Подмладете си го лицето со маска од овесни снегулки

Маската од овесни снегулки помага да се одржи тeнот на кожата и ги отстранува проблемите како што се лупењето, иритации, црвенила, митесери, брчки...

Скоро сите препарати за подмладување во себе ги содржат состојките вентрамид и бета - глукан, а токму тие состојки ги има во овесните снегулки, кои можете да ги искористите за да ја вратите свежината на вашето лице.

За да ја подготвите оваа маска потребно ви е:

• 1 супена лажичка јогурт
• 1 кафена лажичка издробени овесни снегулки
• 1 кафена лажичка мед

Помешајте ги сите компоненти додека не се соединат и смесата нанесете ја на чиста кожа. Не заборавајте да нанесете од маската на вратот и деколтето, а потоа легнете и опуштете се. Држете ја маската околу 20тина минути, а потоа измијте се со топла вода.

Оваа маска темелно ќе го исчисти вашето лице, а освен тоа таа ги зајакнува контурите и ги „пегла” ситните брчки на вашето лице.