Направете сами: Отстранете ги пегите со производи од кујната

На некои им се слатки, други ги мразат. Ако сакате да ги отстраните искористете некои од рецептите во кујната кои може да ви помогнат за брзо и лесно да се ослободите.

Пегите на кожата се последица од многу темен пигмент меланин, кој најчесто може да биде предизвикан од претерано изложување на УВ зраците.

Најчесто се појавуваат  на лицето, деколтето и рацете, а највидливи се летно време на образите и на носот.

 За превенција и избелување треба да ја одберете соодветната крема.

Најдобра превенција од пегите е редовно користење на крема со заштитен фактор.

Но, постојат и природни начини кои може да ги пробате и во домашни услови.

Лимон

Доволно е да го преполовите и да триете на лицето 10-15 минути секој ден. Потоа измијте ја кожата, а најдобро е тоа да го правите пред спиење, за да може кожата да се обнови. Првите резултати може да ги забележите по еден месец.

Алое вера

Гелот или сокот од алое треба да го нанесете директно на пегите, најмалку двапати на ден. Алоето постепено ќе ги избели темните дамки и ќе го забрза обновувањето на кожата. Првите резултати треба да бидат видливи по 2 месеци.

Виолетов кромид

Виолетовиот кромид треба да го пресечете на половина и да триете на критичните точки. Постапката повторувајте ја еднаш дневно во текот на 2 месеци. По користењето измијте ја кожата.

Свежо млеко

Одлично ги отстранува пегите од сите делови на телото, а доволно е само да го нанесете и да го оставите да делува неколку минути, по што ќе го измиете.

Зелен чај

Вреќичките чај треба да ги ставите во топла вода 3-5 минути и потоа да ги извадите. Отакако ќе се изладат  и ќе ги исцедите, тријте ги со нив критичните точки. Се препорачува да ја повторувате постапката двапати дневно.