Рецепт за сјајно лице: Кажете им „збогум” на подочниците

Кој не би сакал да има прекрасно лице без подочници? Потребни ви се само 4 состојки, кои сигурно ги имате во вашата кујна, а не сте ни свесни дека тие ќе и подарат на вашата кожа сјај каков што заслужува.

Со помош на куркумата, кокосовото масло, медот и млекото ќе ги намалите подочниците, благодарение на овој едноставен рецепт.

За оваа маска, потребни ви се само 5 минути од вашето време, за да ги измешате сите состојки и да ја добиете смесата која ќе ја аплицирате на лице.

Потребни состојки (доволно за 2 употреби):

• 1 супена лажица мелена куркума
• 1 супена лажица мед
• 1 супена лажица кокосово масло
• 1 супена лажица млеко

Начин на подготовка:

Во стаклен сад ставете ја куркумата и помешајте ја со медот, а потоа додајте го маслото и мешајте додека не добиете паста. Смесата поделете ја на половина, а едната половина искористете ја веднаш, додека другата затворете ја убаво и ставете ја во ладилник, но не ја оставајте повеќе од 3 дена.

Пред да ја ставите на лице, темелно исчистете го, па исушете го со пешкир. Со помош на задната страна од кафена лажичка, рамномерно нанесете на образите, челото, брадата, носот и на подрачјето под очите. Маската држете ја 15-20 минути, па измијте со топла вода.