Избришете ги подочниците во 3 чекори

Областа околу очите важно е летно време да ја заштитите од сонце, а зимно време од ветрот и студенлото.

Очилата и заштитните креми можат најмногу да ви помогнат.

Настанувањето на темните кругови околу очите може да биде како последица од замор, болест, депресија или неправилна исхрана.

За да се ослободите од нив, добро е да преземете 3 мерки:

1. Променете го начинот на исхрана. Избегнувајте солена и многу зачинета храна, посебно навечер. Внесувајте повеќе течности и пијте повеќе вода и чаеви.

2. Негувајте го лицето со ноќна крема или гел. Чувствителната кожа под очите е потребно дополнително да се храни. Ако се разбудите со длабоки подочници, ублажете ги со ладни облоги.

3. Областа околу очите треба да ја заштитите од сонце, ветер и студ. Затоа користете креми со заштитен фактор, дури и кога нема силно сонце.