Најчести грешки кои ги правите додека ги миете забите

Правилното и редовно четкање на забите е единствениот начин на кој можете да го спречите кариесот и непријатните наслаги кои се собираат од храната. Сепак, големи се шансите дека тоа не го правите правилно.

За да го избегнете оштетувањето на забите, воочете ги основните 7 грешки кои сигурно ги правите:

1. Користите погрешна четка

Не бирајте четка според бојата и дизајнот, туку според потребите. Ако не сте сигурни која е најдобрата опција, побарајте помош од стоматолог.

2. Прекратко или предолго четкање

Забите би требало да ги миете 2 пати дневно, еднаш задолжително пред спиење. Нечистотиите најлесно ќе ги отстраните ако забите ги четкате 2 до 3 минути.

3. Пречесто и прејако четкање

Честото миење на забите има спротивен ефект, па затоа обидете се да ја совладате оваа лоша навика. Имајте на ум дека претераното миење може само да ги ослаби забите.

4. Погрешно четкање

Стоматолозите советуваат дека четкањето треба да се изведува со мали и нежни кружења. Половина од четката би требало да го чисти забот, а половина непцето. Ова важи и за внатрешната и за надворешната страна од забите.

5. Не ја миете четката темелно

По секое користење на четката треба добро да ја измиете со топла вода и да ги отстраните сите остатоци од пастата. Ако не ја измиете доволно добро, големи се шансите дека на неа ќе се наталожат бактерии кои ќе ги внесете во устата при следното миење.

6. Четката никогаш не се суши до крај

За да го избегнете овој проблем со вечно мократа четка, ставете ја на суво место или купете уште една четка која ќе ја менувате преку 1 ден.

7. Ретко менување на четката

Иако не е расцветана, четката треба да ја менувате на 3 месеци, советуваат сите стоматолози. Спротивно на ова, ако четката ви се расцвета по само 1 месец користење, значи дека премногу агресивно ги миете забите.