4 машки фризури кои ќе се носат во 2015-та

Наместо кратко ишишана коса, идната година помеѓу мажите изгледа главен тренд ќе биде косата со средна должина, лежерно пуштена или малку разбушавена.

Погледнете што ни носи идната година, кога се работи за машките фризури и трендови:

Непослушна фризура

Клучот на идната сезона лежи во експериментирањето со текстурата на косата, сè додека не создадете непослушна и опуштена фризура. Пред се косата треба да е измиена за да ја обликувате лесно.

Градски каубој

Ако лежерната и бушава коса не ви лежи, одлучете се за залижана варијанта во стилот на градски каубој. Кај оваа фризура важно е да бидете добро ишишани, затоа што секој недостаток лесно ќе се забележи.

Долга коса

Не се работи за бајкерски стил или предолга коса, туку за здрава и негувана коса до рамениците. Овој тренд го најавуваат голем број на стилисти и модни икони.

Коса во репче

Затоа што очигледно започнува ера на долгокосите мажи, потполно е природно да ја соберете во репче. Ако косата е здрава и во добра состојба, овој тренд може да му прилега на секој маж.

Во комбинација со спортска брада ќе постигнете интересен и софистициран контраст. Затоа, не се плашете да експериментирате!