Направете сами: Природно средство за отстранување шминка

Наместо да купувате скапи препарати и производи, подобро е шминката да ја отстранувате со природни средства со кои ќе му овозможите и нега на лицето.

Комбинации со маслиново масло

Шминката од лицето, особено маскрата можете многу лесно и едноставно да ја извадите со малку маслиново масло. Ставете неколку капки на парче газа или памук и неколку пати лесно поминете по капаците.

Уште подобро е ако малку маслиново масло измешате со гел од алое вера, во сооднос 1:5. Покрај алое верата, може како замена да користите и филтрирана вода.

Мешавина со бебешки шампон

Во многу ситуации бебешкиот шампон има улога и на купка и на шампон, бидејќи е многу нежен за кожата. Затоа може слободно да го користите во мешавина за отстранување шминка.

Измешајте 2 лажици бебешки шампон, 1 лажичка бебешко масло или маслиново и 1 шолја топла вода.

Со оваа мешавина нанесена на парче памук, слободно поминете преку целото лице. Брзо ќе ја отстраните шминката, а ќе му овозможите нега и на лицето.