Евтина домашна маска од која косата расте, се зајакнува и добива сјај

Постојат состојки кои се вистински благодет за косата, па дури и ако мислите дека во неа нема живот.

Една од тие состојки е бананата која содржи многу витамини и природни масла, па во комбинација со уште неколку додатоци може да ја зацврсти косата, да и даде сјај и да ја направи помека.

Покрај тоа, помага и кај расцветаните краеви.

Домашната маска ќе ја подготвите така што во еден сад ќе испасирате банана и ќе ја измешате со жолчка од јајце.

Додадете малку мед и ½  шолја темно пиво.

Пивото содржи хмељ, квасец и Б витамини кои делуваат позитивно на влакното на косата.

Кога ќе ги споите сите состојки, добиената маска нанесете ја на косата, замотајте ја во пешкир и чувајте ја така околу 1 час. Потоа измијте ја 2 пати со шампон.

Постапката може да ја повторувате еднаш неделно, а ако забележите дека имате проблем со измивањето на маската, можете да го исклучите медот.