Како до совршен изглед за неколку минути?

Ако овие денови се чувствувате како да сте „растргнати” на сите страни и секаде се обидувате да изгледате уредно, но не стигнувате, тогаш треба да ги прочитате овие совети...

Советите ќе ви помогнат за само неколку минути да блеснете во полн сјај и да изгледате како да сте потрошиле неколку часа на изгледот.

Совршенство во неколку минути:

1. Шминкање на очите и усните

Очи: Ако само што сте завршиле со работа, а веќе се подготвувате да отидете на пијалак со колегите, сигурно е потребно да направите корекција на шминката. Наместо да нанесувате дополнителен слој на маскара, направете го следново: извадете ја четката од маскарата, избришете ја со влажна марамица и потоа пројдете низ трепките. На овој начин тие ќе се подигнат и ќе изгледаат поубаво и повеќе полно.

Усни: За почеток потребно е да пронајдете нијанса на кармин која ќе ви одговара. Ако имате светла или средно темна кожа за вас идеална е темно црвената боја. Ако имате потемна боја на кожа за вас идеална е црвената боја со розова или виолетова поднијанса.

Совет плус: Со хартиена марамица поминете со тапкање по Т-зоната на вашето лице за да ја отстраните вишокот на маснотија од лицето.

2. Оживејте го класичниот стил

Усни: Нанесете кармин во бојата на виното.

Нокти: Ако вашиот лак се излупил нема потреба за грижа, само поминете го со сребрен или златен лак како да правите француски маникир. Лакот брзо ќе се исуши, а вашите нокти ќе изгледаат како да сте правеле комплетен маникир.

Секси тело: Пред да го облечете омилениот фустан, на телото нанесете лосион со светки, кој ќе му даде посебен затегнат изглед.

Коса: Направете ниска пунџа, но не ја затегнувајте премногу, туку нека биде неуредна.

3. Покажете го внатрешниот сјај

Очи: На капаците нанесете сенка во боја на праска, а на подочниците коректор. Тоа е најдобар начин вашите очи да сјаат со природен сјај.

Усни: Изберете боја на кармин која е 2 нијанси потемна од природната боја на вашите усни. За дамите со светол тен тоа би била розовата боја, а за оние со потемен тен одлична е бојата на праска.

Коса: Исчешлајте ја косата и оставете ја каква што е: природна и бушава.