Совети за усните да не бидат суви и испукани

Освен сувата кожа и коса, голем зимски проблем се и испуканите усни. Но, овој проблем лесно се решава ако ги следите овие совети.

За почеток, не ја лижете устата затоа што така повеќе се суши, посебно ако сте надвор на студено и ветровито време.

Добар метод за хидрирање е да земете една кесичка зелен чај, да го ставите во врела вода, па така мокра да ја ставите на усните.

Превентивно, неколку пати во текот на месецот нанесувајте масло или путер од кокос.

Ако проблемот е веќе настанат, паметно е да ги мачкате усните со мед неколку пати во денот.

Се препорачува и цветна маска, односно листови од роза натопени во млеко кои треба да ги залепите на усните.

Намалете ја употребата на кармини кои ги затвораат порите и ја сушат кожата.

Ако баш морате да ги користите, претходно нанесете подебел слој балсам.