Направете сами домашна крема против брчки

Најголемиот непријател на женската убавина се брчките, па постојано се бараат разни третмани и препрати на кои се трошат многу пари.

Но, ако го најдете вистинскиот рецепт може и да заштедите, а да добите подобар ефект. Домашната крема која многу одамна ја користеле грчките девојки, познати по својата негувана кожа сега може да си подготвите и во домашни услови.

Потребни состојки:

• 1 лажица органски мед
• 8 лажици рендан пчелин восок
• 200 ml бадемово масло
• ½ шолја ружина вода

Подготовка:

На тивок оган стопете ги медот, восокот и бадемовото масло. Кога сè заедно ќе се стопи и соедини, тргнете ја смесата од ринглата и оставете ја да се излади, но не целосно. Ружината вода додавајте ја во топлиот восок капка по капка, со непрекинато мешање.

Кога ќе биде лосионот целосно добро промешан, сипете го во стаклена тегличка која ќе ја затворите дури откако целосно ќе се излади. Овој препарат може да го користите и за вадење на шминката и како крема против брчки.