Природни домашни лекови против првут

Првутот е непријатна појава која ја имаат огромен број на луѓе, а посебно е неподнослива кога носите црна облека.

Можеби сте пробале милион шампони и хемикалии за поздрав скалп, но ретко кога сте го добиле посакуваниот резултат.

Пред да се откажете од борбата против првутот, пробајте ги овие домашни евтини лекови:

Аспирин

Аспиринот содржи активна состојка која ја има во повеќето шампони против перут. Затоа потребно е да изгмечите 2 Аспирина додека не добиете прав, а потоа да го измешате со малку шампон, колку што ви е потребен за едно миење. Оставете го да делува заедно со шампонот 2 минути, па исплакнете.

Масло од чајно дрво

Ако не користите шампон со чајно дрво, секогаш може да купите масло и да додадете неколку капки во него.

Кокосово масло

Ќе ви помогне да го елиминирате првутот и да ја намалите чешавицата на темето. Измешајте малку масло од кокос со сок од половина лимон и ставете ја течноста на кожата на главата. Масирајте неколку минути, па по 20тина минути измијте на вообичаен начин. Повторувајте ја постапката 3 пати во неделата.

Јаболков оцет

Можеби најпопуларниот лек против првут. Оцетот го враќа pH балансот на скалпот и ги чисти порите. Потребни ви се само 2 големи лажици оцет кои треба да ги помешате со уште 2 лажици вода. Додадете 15-20 капки масло од чајно дрво за подобар ефект и масирајте го скалпот со течноста. Потоа добро измијте.

Сода бикарбона

Намокрете ја косата и масирајте ја кожата на главата со неколку лажички сода. Прескокнете го шампонот и само исплакнете ја косата. По неколку дена косата може да ви стане посува, но не се откажувајте - за неколку седмици ќе забележите дека скалпот е далеку поздрав.

Лимон

Голем број на шампони против првут содржат лимон, но ефектот е многу подобар ако го направите следниов третман. Исцедете 1 лажица сок од лимон и ставете ја во 1 шолја вода. Со оваа течност плакнете ја косата секојдневно.

Сол

Масирајте го скалпот со крупна морска сол неколку минути пред да ја измиете косата. Потоа измијте ја косата со шампон. Ова може да го практикувате секојдневно.