5 паметни начини да ја скриете настинката со шминка

Обичната настинка можеби не е некоја болест заради која треба да се затворите дома или да заглавите на лекар, но не е ниту нешто што може да го игнорирате, ако постојано ви е растечен носот, а очите црвени и потечени.

Сепак, постојат некои трикови кои се корисни за девојките и можат многу да им помогнат во моменти кога се крајно болни, а мора да изгледаат убаво и средено.

Понекогаш едноставна шминка и некои помошни препарати, можат да направат вистинска магија.

1. Хидрирање на кожата

Потребно е да одберете хидратантен балсам кој најмногу ви одговара и да го носите секогаш со вас за да може да го смирите иритираното место. Тоа понекогаш може да биде и лабелото за усни кое е во практично стик пакување за лесно да го нанесете под очите, ноздрите или на устата каде ви е распукана кожата.

2. Коректор

Кремастиот коректор вешто ги прикрива подочниците, но може да го покрие и црвенилото или бледиот тен. Нанесете го на носот, под очите и на капаците, убаво размачкајте и изедначете го тенот. Внимавајте само да содржи и хидрантна подлога за да не ја исушите дополнително кожата.

3. Светло моливче под очите

Светлото моливче кое ќе го нанесете на внатрешната линија од окото може да ви го освежи изгледот и да делувате поенергично и побудно. Користете мрсно моливче во бела или беж нијанса. Не заборавајте да ги извиткате трепките и да нанесете маскара која ќе направи очите да ви изгледаат покрупни и поотворени.

4. Масло од пеперминт

Овој трик е особено корисен. Намачкајте малку масло на усните за да омекнат и малку да ви ги зголеми. Мирисот на пеперминт, дополнително ќе ви го олесни дишењето.

5. Вреќички зелен чај

Ако ставите ладни и исушени вреќички чај на очите околу 10 минути наутро, ќе се ослободите од воспалението, ќе го смирите црвенилото и иритацијата. Чајот пак може да го испиете со малку мед и да го подмачкате сувото грло.

Eве еден предлог кој може да го искористите: