Зошто е подобро лицето да го чистите со масло, наместо со вода?

Можеби досега бевте убедени дека за беспрекорно чисто лице откако ќе ја извадите шминката, потребно ви е на крај да го измиете со вода и сапун. Но, сега има и подобро решение од водата, а тоа е маслото.

Зависно од тоа каков тип на кожа имате, различно масло може да користите. Со него се одржува хидратацијата на кожата, но се брише и шминката, а претставува и одлична подлога пред да ја нанесете пудрата.

За да го постигнете вистинскиот ефект на маслото мора да ја следите постапката:

Најпрво затоплете еден чист и мек пешкир и ставете го на лицето. Држете го 20-ина секунди, па нанесете го маслото.

Убаво масирајте за да се впие во кожата и за да се отстранат мртвите клетки. Оставете го да постои околу 30 секунди, па полека и нежно бришете го со загреаниот пешкир.

Доколку имате нормална до сува кожа ви се препорачува да користите масло од арган или шеа. Тоа ќе ви ја хидрира кожата и ќе и даде доволна влажност, без да имате чувство како да ви е мрсно лицето.

За мрсна кожа користете масло од чајно дрво или пеперминт кои ја отстрануваат маснотијата од лицето, го прават суво, здраво и свежо.

За отстранување на шминката или како подлога може да го користите и ладното цедено маслиново масло, но не и растителното.

Хранливите масла може да ги користите и доколку имате проблематична кожа со акни, бидејќи имаат и лековити својства.

Ова се резултатите:

Извор