Момци: Ова се 5 чекори до совршено бричење

Без разлика дали започнувате кариера, сакате да изгледате помладо или пак само сакате да изгледате средено, бричењето е една од техниките кои мора да ги владеете совршено.

Доколку сте почетник сигурно досега сте користеле фластери, наместо колонска вода за после бричење, па затоа овие 5 совети за совршено бричење без сечење добро ќе ви дојдат.

1. Бричење после туширање или миење на лицето со топла вода

Секогаш бричете се после туширање или откако ќе го измиете лицето со топла вода, бидејќи кожата и брадата омекнуваат од топлата вода и се бричат полесно.

2. Бричење со безалкохолна пена или друг продукт за бричење

Продуктите за бричење кои содржат алкохол ја сушат кожата и може да предизвикаат акни, па затоа пред да купите пена за бричење или друг продукт, прво прочитајте го составот.

3. Користење на остар и чист брич

Никогаш не користете тап и нечист брич, бидејќи голема е веројатноста да си ја исечите кожата и да ја инфицирате од самиот брич.

4. Бавно бричење со кратки потези

Бричете се бавно со кратки и прецизни потези кои ќе ви дадат контрола врз бричењето за да не скратите повеќе од потребно.

5. Плакнење со ладна вода

На крај, исплакнете го лицето со ладна вода, бидејќи таа ги затвора порите. Потоа истапкајте го лицето со чиста крпа и ставете балсам или колонска вода.