Јога за лице: Подмладете се и избришете ги брчките

Овие вежби за лице можете да ги правите кога ќе посакате, а вежбањето на јогата за лице два пати дневно ќе ви даде одлични резултати.

Потребни ви се два месеци континуирано вежбање за да постигнете видливи резултати:

Против вертикални линии на лицето

Јаготките од прстите ставете ги на врвот од челото, под линијата на косата. Опуштете ги мускулите на лицето и со прстите подигнете го челото, па повторно опуштете. Повторете ја вежбата 10 пати.

Против брчките меѓу веѓите

Испружете ги показалците и ставете го на средината меѓу веѓите. Потоа намрштете се, а истовремено со показалците туркајте ги веѓите на страна. Повторете ја вежбата 10 пати.

За зацврстување на челото

Свиткајте ги показалците во форма на лак и ставете ги на веѓите. Додека ги подигнувате веѓите, со показалците давајте благ отпор и туркајте ги веѓите надолу. Задржете така и бројте до 10, па повторете неколку пати.

За зацврстување на образите, вилицата и јаболкниците

Легнете на грб и опуштете ги сите мускули на телото. Обидете се со вилицата да кружите во круг неколку пати на едната страна, а потоа и на другата. Отворете ја устата во големо О, потоа раширете ги усните и спојте ги забите. Повторете ја вежбата неколку пати. На крајот, исплазете го јазикот кон брадата, а очите насочете ги кон челото. Задржете ја положбата најмалку 10 секунди.