Како да спречите да ви се размачкува шминката?

Колку се потопли деновите, толку повеќе се зголемува опасноста од растекување на шминката која се нанесува, па решението е или постојано да ја коригираме или да не ја нанесуваме.

Но, пред да се разочарате, можеби е подобро да обрнете внимание на соодветните препарати кои се користат за да го спречите размачкувањето на шминката.

1. Превентива

Најдобра превентива е да направите пилинг на кожата, бидејќи нејзината мекост може да придонесе за тоа шминката да се задржи подолго на лицето. Исто така, избегнувајте да ставате подлога на лицето, која содржи силикон, бидејќи и тој придонесува за размачкување на шминката.

2. Кожа

Не ставајте кремасти производи на лицето, ниту пудри со густа текстура, бидејќи тие многу лесно се размачкуваат. Колку текстурата е погуста, толку кожата повеќе се поти, а со тоа доаѓа и до размачкување на шминките. Затоа, барем летно време бирајте полесни креми и пудри, а може да нанесувате и бронзер за кожата да ви добие поубав сјај.

3. Очи

Избегнете го „smokеy eyes“ ефектот и одберете посветли нијанси на сенки, ако веќе мора да ги користите.

Покрај тоа, одберете водоотпорна маскара, а за да ги елиминирате темните кругови под очите, нанесете само коректор на лицето.

4. Усни

Наместо да нанесувате силни и густи сјаеви и кармини, одберете неутрални сјаеви за усни или балсами во боја, бидејќи тие ќе им дадат посебен сјај, а воедно шминката нема да ви се размачка од усните.

5. Крема за сончање

Многу е важно во текот на летото редовно да нанесувате крема за сончање за да ја заштитие кожата од штетните ефекти и размачкувањето на шминката.