Нова техника за шминкање: „Печење“ на лицето

Добро запознаени сте со контурирањето и стробингот, но дали ја познавате и техниката на „печење“ на вашата шминка?

Терминот веќе некое време се употребува по YouTube видеата и има за цел да означи процес на нанесување на проѕирен прав за финиширање на шминката. Правта ја нанесувате и ја оставате да отстои 10 минути и од топлината на вашето лице основата и коректорот убаво се впиваат.

Потоа правот го четкате од лицето и добивате природен и беспрекорен финиш.

По овој процес вашето лице изгледа посвежо и темните подочници исчезнуваат.

Овој ефект можете да го постигнете во неколку чекори:

1. Хидрирајте ја областа околу очите

Многу е важно како за почеток да нанесете крем за очи кој ќе ја хидрира и освежи вашата кожа.

2. Нанесете дебел слој на коректор под очите

Коректорите често знаат да бидат мрсни и да остават таков изглед и на вашето лице, но доколку правилно го нанесете ќе го избегнете непосакуваниот изглед. Нанесувајте го почнувајќи од внатрешните агли на очите кон слепоочниците и убаво размачкајте го со сунѓер.

3. Нанесете втор слој на коректор

Можеби самата идеја ви звучи како да нанесувате премногу шминка и тоа е точно, па доколку не сакате не мора да биде нанесен вториот слој. Во секој случај доколку сакате да го добиете изгледот на Ким Кардашијан, потребен ќе ви биде и овој слој.

4. Нанесете малку проѕирен прав

Со дебела четка нанесете мал слој од правот за да дадете основа на натамошното осветлување и истакнување на образите.

5. Започнете со „печење“ на шминката

На сунѓер нанесете спреј за фиксирање и потоа на него нанесете ја проѕирната прав. Со благо тапкање слојот прав нанесете го на лицето и оставете го малку да постои.

6. Отстранете го вишокот прав

Со широката четка која ја употребувавте и во 4-от чекор, започнете со нежно отстранување на правот.

Погледнете го видеото и инспирирајте се за вашиот нов начин на шминкање по рецептот на Ким Кардашијан и нејзиниот стилист.