Очи во различни бои, ретка уметност

Окото, огледалото на душата, секогаш интригирачко, како порта кон друг таен свет, понекогаш споредено и со планетите во нашиот универзум, она поради кое се заљубуваме, тоа што ги дефинира луѓето, а со својата боја ги прави посебни.  Но што кога очите имаат не една, туку две различни бои? Иако со контактни леќи звучи изводливо, оваа реткост во медицината навистина постои.

Појава во анатомијата позната како хетерохромија иридиум значи разлика во обоеноста на очите, односно очите да имаат две различни бои.

Својствена за сите живи суштества, како за луѓето, така и за животните, оваа ретка појава претставува вистинска уметност, која посебното го прави уште попосебно. Специфичност доживувана како дијамант, ценета реткост.

Иако во одредени случаи се јавува во подоцнежниот живот како резултат на повреда или болест, сепак овој медицински феномен кај повеќето од оние што го поседуваат е генетски и е безопасна појава, а за љубителите на необичното, ова е извонредно ремек-дело.

Најчесто со појавување во сина и зелена комбинација, како земјата и небото споени, навистина оваа реткост знае да го привлече вниманието, а оние што ја ценат естетиката ќе се согласат дека ова е врвна уметност која на природната убавина му дава сосема ново значење.

Оваа појава не ги одминала и славните личности, кои за играњето на некои суперхерои, оваа нивна вродена специфичност одлично им се вклопила во бараните улоги.

Автор: Е.Г