5 тренди бои на коса кои се идеални за постудено време

Суптилно нијансирање на вашата природна боја ако сакате нешто поедноставно или некоја пастелна нијанса ако сте подготвени за експериментирање.

Ако сакате да го освежите изгледот без да ја кратите косата, секогаш можете да ја промените бојата.

Периодов доминираат посветлите нијанси, но за посмелите, хит се и пастелните бои.

Пет бои идеали за постудено време:

Руса со студени тонови

Класичната руса коса никогаш не излегува од мода, но ако сакате малку да ја освежите, можете да ја шатирате со постудени тонови.

Оваа нијанса е идеална ако имате многу светла кожа, како и светли очи бидејќи ја нагласува природната убавина.

Руса со топли тонови

Од друга страна, исто популарна е русата коса со топли тонови која изгледа поприродно.

Ќе ви стои добро без разлика дали имате потемен или посветол тен, а многу добро ги истакнува кафеавите и зелените очи.

Пастелни нијанси

Доколу сте подготвени за нешто посмело, тогаш дајте ѝ шанса на некоја пастелна нијанса, како боја на лаванда.

Ваквите нијанси избледуваат побрзо, па со текот на времето изгледаат и подобро.

Нагласена природна боја на косата

Ако не сакате драстична промена, тогаш можете да ја нијансирате вашата природна боја со малку посветли прамени.

Светла руса со темни корени

Ако природната боја ви е потемна и не сакате секој месец да се фарбате, ова е идеалната фризура за вас.

Ова е всушност вид омбре каде што природната боја постепено се прелева во руса нијанса.

Спирова С. | Црнобело