Шеќер, глутен, вино и млеко: Како му штетат на вашето лице?

Кожата е огледало на вашето здравје и на тоа како се исхранувате. Нездравата храна и нетолеранцијата на одредени производи се причинители  за појава на одредени кожни проблеми посебно на лицето.

Нигма Таиб е доктор кој го претставува овој инфографик кој ги открива последиците и обликот на четири типа на лица во зависност од тоа што консумирате и на кои производи вашиот организам е нетолерантен.

1. Вино

Типични симптоми на лицата кои се нетолерантни на алкохол или го консумираат во големи количини се: нагласени брчки меѓу веѓите, проширени пори, дехидрирана кожа, црвенкасти образи и истакнати линии под носот.

2. Глутен

Типични симптоми на лицата кои се нетолерантни на глутен се: потечени и црвени образи, акни и пигментација на брадата. Се претпоставува дека дури 15% од луѓето се чувствителни на глутен, а најчеста причина за појавата на отечено лице се воспалителните процеси во организмот.

3. Млеко

Типични симптоми се потечени очни капаци, како и целото подрачје под очите, заедно со изразено темни подочници. Често се појавуваат и мозолчиња во подрачјето на брадата. Тоа значи дека сте нетолерантни да лактоза или на хормоните кои се наоѓаат во млечните производи.

4. Шеќер

Кај лицата кои се чувствителни на шеќер најчесто се појавуваат брчки и линии на челото, потеченост во подрачјето под очите, сува и затегната кожа. Шеќерот содржи молекули кои се врзуваат за колагенот од кожата и токму затоа истата ја губи својата еластичност.