Како да ги одберете совршените очила за сонце според обликот на лицето?

Пред почетокот на топлите и сончеви денови, време е да се замислите на тема очила за сонце.

Сигурно имате еден пар во кој сте вљубени од пред неколку сезони и уште 2-3 кои ги носите повремено, но дали сите тие се совршени за вашиот лик или само ги следат моменталните трендови?

Време е да вложите во квалитетен пар кој ќе го одберете врз обликот на лицето. Така никогаш нема да погрешите и секогаш ќе бидете во тренд.

Округло лице

Спротивставете се на овалното лице со геометриски разиграни очила. Правоаголните рамки ќе ви помогнат да го издолжите лицето, додека мачкестите очи ќе ги заострат цртите.

Квадратно лице

Спротивно од дамите со овално лице, вие треба да одбирате заоблени рамки. Може да експериментирате со мачкести очи, но само ако продолжуваат со заоблен долен дел. Авијаторките се уште еден добар избор.

Срцевидно лице

Кај овој облик на лице важно е акцентот да се стави на долниот дел од очилата, каде рамките може да бидат подебели и поизразени од горниот дел. Авијаторките и во овој случај се добра опција која ќе контрира на срцевидниот облик.

Издолжено лице

Среќни сте, затоа што имате најголем избор. Можете да носите округли, правоаголни или мачкести очила, без да се двоумите дали ќе ви прилегаат. Ако имате остри црти на лицето, добро би ви дошле округлите модели со впечатливи рамки.

М. Д. | Црнобело