Подгответе се за сандали: Едно овошје кое ги лечи испуканите пети

Топлите денови ни пристигнаа, а за жените тоа значи време за отворени чевли и сандали.

Но, тука имаме мал проблем – во текот на зимата веројатно дошло до сушење на кожата на стапалата, што изгледа неубаво и треба да го решите пред да ги облечете омилените сандали.

Ако веднаш помисливте на некоја скапа крема, запрете – ви треба само лимон.

Оваа ефикасна, но помалку позната метода дава подобри резултати од било која глицеринска крема.

Кората на лимонот значајно ја хидрира кожата и го подобрува нејзиниот изглед, а покрај тоа полн е со етерични масла кои ја омекнуваат и обновуваат оштетената кожа.

Покрај лимонот, подгответе пар памучни чорапи и обична хидратантна крема или масло кое го користите за нега на телото.

Лимонот пресечете го на половина и исцедете го сокот, а за негата на петите искористете ја кората и малку од пулпата која останува во неа по цедењето.

Петите ставете ги во корите, облечете чорапи и издржете така барем половина час. Можете и цел час ако сакате.

Ќе забележите дека кожата омекнала, а ако мртвата кожа е видлива, отстранете ја со турпија за пети. Потоа нанесете крема или масло.

За најдобри резултати повторувајте го третманот 2-3 пати неделно и ќе бидете подготвени за цело лето.

М. Д. | Црнобело