Храна и пијалаци од кои можете да направите домашни пилинзи

Во козметичката индустрија најчесто се користат состојки кои можат на кожата да ѝ нанесат повеќе штета отколку корист.

Поради тоа, свртете се кон природата и со малку труд, пробајте сами да направите пилинг погоден за вашиот тип кожа.

Еве неколку предлози за состојки кои сигурно ги имате дома и слободно може да ги искористите:

1. Мед и јагоди

Органскиот мед во својот има безброј лековити ензими, а семките од јагодите ја подмладуваат кожата. Измешајте малку мед со неколку ситно исечкани јагоди и нанесете ја смесата на лицето за да отстои 10-15 минути и потоа измијте го лицето.

2. Шеќер

Шеќерот е одличен за нега на лицето и телото. Во неколку лажички шеќер додадете малку кокосово или маслиново масло (може и лимонов сок). Измијте го лицето со топла вода, нанесете ја смесата и масирајте со кружни движења. Измијте го повторно лицето и вашата кожа ќе биде мека и сјајна.

3. Талог од кафе

Веќе е познато дека талогот од кафе е одличен при борба со целулит. Во комбинација со малку маслиново или етерично масло од лаванда или лимон ќе добиете мешавина која уништува мртви клетки и ја потхранува кожата.

4. Сода бикарбона

Постојат многу практични совети како да ја примените сода бикарбоната, а еден од нив е во форма на пилинг. Измијте го лицето со топла вода и масирајте со кружни движења. Измијте го лицето повторно – ова е проверен рецепт за секаков тип на кожа.

5. Овесна каша

Овесната каша е наменета за чувствителна кожа. Доволно е да ја помешате со малку топла вода и да ја нанесете на лицето и вратот. Измијте го лицето и избришете се со мек пешкир.

С. С. | Црнобело