Паста за заби против акни: 8 трикови за убавина од Адријана Лима
35-годишната Адриана Лима моментално е во Лос Анџелес за нејзината најнова кампања за „Marc Jacobs Divine Decadence“, а за таа цел открива дел од нејзините начини на разубавување.
8 трикови за убавина според бразилската убавица, Адриана Лима:
1. Нејзиниот пристап кон грижата за кожата
„Се будам и ставам крема за сончање, а потоа одам на работа“ - вели Лима.
Инаку, вообичаено за нејзиното лице се грижи посебен шминкер кој сам ги подготвува кремите и лосионите специјално за нејзиниот тип на кожа.
2. Како лечи акни преку ноќ?
Таа вели дека употребува стара бразилска техника - преку ноќ става обична паста за заби за да се исуши акната.
3. Како се разубавува?
Таа вели дека сака издолжени веѓи. Кога е на топло не става ништо друго освен маскара и лабело, а за излегување обожава да користи црвен кармин.
4. За поубава коса:
Во Бразил, таа вели дека многу се употребуваат маски за коса кои најчесто се оставаат преку ноќ, а потоа наутро ги измиваат.
5. Вежбите
Адријана Лима обожава бокс. Таа вели дека за секоја девојка е добро да практикува некаков спорт. Неа омилени и се боксот, а кога патува, трча.
6. Како да останете мотивирани?
„Секогаш се мотивирам да вежбам бидејќи мислам на резултатите и знам како се чувствувам после тоа. Имам деца и патувам многу, па навистина морам сериозно да се грижам за своето тело. Јадам здраво, а понекогаш и знам да се опуштам. Сè е во балансот“ - објаснува Лима.
7. Нејзината совршена селфи поза
„Обично сакам да се сликам одозгора. Не знам зошто.“ - вели.
8. Нејзиниот „направи сам“ ритуал за разубавување
Сакам да го мешам балсамот за коса со авокадо и еднаш неделно да ја употребувам оваа мешавина.
Н. Г. | Црнобело
Би можело да ве интересира:
Препорачуваме
Најчитани неделава
