Како да откриете дали козметиката која ја купувате е оригинал или копија?

Како што е случајот со многу производи, на пример, парфемите и чантите, така и козметиката може да биде лажна.

Но, како можете да препознаете дали козметиката која ја купувате е копија или оригинал?

1. Прво, не купувајте козметика од продавница која нема реноме

2. Добро погледнете го дизајнот на пакување...

Ќе забележите дека не е исто како оригиналот кој претходно сте го купувале. Или ако првпат го купувате, посетете ја страната на брендот и погледнете добро како треба да изгледа пакувањето.

3. Погледнете го бар кодот

Бар кодот на пакувањето мора да соодветствува со оној на самиот производ. Исто така, обично оригиналите имаат содржина објаснета и преведена на повеќе јазици.

4. Проверете ги боите

Производителите кои сакаат да направат копија бараат начин како да ги променат боите или да дадат нивни нови имиња. Проверете на официјалната страна дали постојат тие бои.

5. Текстурата и мирисот

На пример, маскарата ако е копија може да мириса многу поинаку, посилно и понепријатно од оригиналот. Кармините содржат грутки, а пудрите немаат рамномерна текстура.

6. Четките може да се лажни

Четките кои доаѓаат со пакувањето, исто така, може да не се оригинални, а тоа лесно можете да го забележите по тоа колку детално и внимателно се изработени.

7. Проверете на лице место

Побарајте тестер и забележете како се нанесува. Рамномерно и брзо? Тогаш е оригинал. Во спротивно, копијата нема да изгледа убаво на кожата.

Н. Г. | Црнобело