3 бои на кармини кои ќе посакате да ги имате оваа есен

Кармините за усните се тоа што и обетките за увото – никогаш доста од двете.

Оваа сезона задолжително имајте некоја (или сите) од трите бои кои ги нуди есенската палета на декоративна козметика.

Кои три кармини треба да си го најдат своето место во вашиот несесер за претстојната сезона?

Кафеави усни во стилот на ’90-тите

Усните во боја на какао кои ја означија декадата на минатите ‘90ти години повторно се хит помеѓу визажистите.

Ладни или топли кафеави тонови, со мат или малку сјаен финиш се полн погодок за оваа есен, со малку бронзер или руменило во бакарна нијанса.

Усни во боја на модра слива

Зарем има нешто што потсетува повеќе на есен од модрите сливи и темното грозје? Пурпурните нијанси ги освоија сите.

Нанесете го карминот со совршена прецизност и бидете смела убавица. Комбинирајте со црн туш и убаво истакнати трепки.

Кармин во топли нијанси на праска

Нежната корална нијанса е тука да нè потсети на сета убавина и сјај кој ни го остави летото зад себе.

Доказ дека оваа суптилна праска боја не е наменета само за пролет или лето е фактот што продолжува да се носи и во есен.

Драматични очи одлично ќе го надополнат нежниот изглед на усните.

(О)Милена | Црнобело