Девојка ги тестира 10-те најпопуларни совети за убавина: Што успева, а што е лага?

Многупати досега сакајќи да си го поправиме изгледот, посегнуваме по гуглање на совети за убавина. А, ги има милион.

Една девојка решила да ги испроба 10-те најпопуларни совети за да не морате вие.

Какви се резултатите?

1. Туторијалите велат дека ако ставите бебешка пудра врз првиот слој на маскара, со нанесување на вториот трепките ќе ви станат погусти и подолги.

Точно, но сепак постои можност да се залепат.

2. Ако ставите слој пченкарен скроб врз карминот, ќе добиете усни со матирачки ефект.

Точно, но ќе чувствувате непријатна текстура.

3. Користете селотејп за да направите совршени мачкини очи или да нанесете сенка.

Точно, одличен и корисен совет.

4. Користете машки лосион за после бричење, наместо прајмер.

Лош совет. На почетокот нема да почувствувате разлика, но по неколку часа ќе забележите зголемена маснотија на кожата.

5. Моливчето за очи може да стане течен туш ако го загреете со запалка.

Грешка. Да, ќе се растопи, но тоа нема да го направи ни одблизу како течниот туш.

6. Измешајте малку пченкарен скроб во лакот за нокти за да постигнете матиран ефект.

Лош совет. Не ви го препорачувам.

7. Измешајте сенка за очи во проѕирен лак и ќе добиете нијанса каква што посакувате.

Уште еден лош совет. Главниот проблем е што состојките никогаш нема целосно да се помешаат, па затоа сушењето е речиси невозможно.

8. Со парче селотејп може да добиете совршено права линија при лакирање.

Звучи лесно, но е речиси невозможно. И овој трик е под знак прашалник.

9. Ставете две шноли под репчето за да добиете волумен.

Дефинитивно совет кој не дава резултати. Шнолите ве боцкаат, а репчето е исто како претходно.

10. Ако ја сушите косата сплетена во плетенки, ќе добиете виткана коса.

Ова може да ви даде побујна текстура ако имате права коса, но ако имате природно виткана коса, никогаш не го пробувајте.

М. Д. | Црнобело