Од што се откажала Алиша Кис за да има беспрекорно чиста кожа?

На почетокот сите мислеа дека се работи за краткотрајна одлука, но се чини дека ставот на Алиша Кис да не носи никогаш повеќе шминка е доживотен избор.

Пејачката откри дека чувствувала огромен притисок поради утврдениот шаблон дека секоја позната личност мора да изгледа совршено. Нанесувањето шминка понекогаш траело со часови, и конечно Алиша им кажа стоп на сите декоративни продукти за убавина.

Сега таа гордо се појавува во јавноста без грам шминка покажувајќи ја својата природна убавина, но како и сите нормални луѓе и таа имала бројни недостатоци кога се работи за кожата на лицето.

„Ми требаше цела вечност да ја доведам кожата во оваа состојба каква што е денес. Знам какво е чувството да се има лице полно со акни и флеки“, изјавува таа.

Со цел да се ослободи од нив, единственото специфично нешто кое го тргнала од исхраната биле млечните производи.

„Полека ги елиминирав сите млечни производи и наместо тоа започнав многу повеќе да пијам вода, што направи огромна разлика врз мојата кожа“.

Истражувањата покажуваат дека млечните производи се директно поврзани со избивањето на акните, па доколку сакате здрава, сјајна и свилена кожа како на Алиша, отстранете ги од списокот на намирници.

Лоша вест за сите љубители на сирење, кашкавал и млеко, но нешто мора да се жртвува за убавина, зарем не?

(О)Милена | Црнобело