Како никогаш да не погрешите со изборот на кармин?

Често се случува со часови да разгледувате кармини и на крајот пак да бидете во дилема која нијанса е вистинската.

Како и за многу други работи во животот, така и за ова постои еден лесен трик со кој многу лесно и едноставно ќе одредите која боја на кармин е идеална за вас.

Одберете на која група од следните групи припаѓате и така ќе дознаете која е вистинската нијанса.

Зимска девојка

Карактеристики:

Очи – кафеави, темно кафеави, сини, сино-зелени

Коса – сите темни нијанси на кафеава, црна

Тен – средно светол тен, маслинест или темен тен

Ако припаѓате на оваа група, тогаш сте вистинска среќничка. Вам ви одговараат речиси сите нијанси. На девојките со светол и средно светол тен најдобро им одговараат различни розови, па дури и виолетови нијанси, додека за тие со потемна кожа црвениот кармин е најбезопасен избор.

Пролетна девојка

Карактеристики:

Очи – зелени, сини, сиво-зелени

Коса – светло русокоса, темно русокоса, светло кафеава

Тен – жолтеникав светол тен

Топлите нијанси се најдобриот избор за „пролетните“ девојки, особено оние кои се за една нијанса потемни од природната боја на нивните усни. Ако сакате да додадете боја, изберете темна беж и црвено портокалова нијанса.

Летна девојка

Карактеристики:

Очи – сини, сиво-зелени, костенливи

Коса – русокоса, сиво русокоса

Тен – светло розеникав тон

За дневните деловни прилики изберете ладна розова нијанса, додека за вечерните излегувања одбирајте нијанси како црвена, бордо или темно виолетова.

Есенска девојка

Карактеристики:

Очи – сиви, зелени, кафеави

Коса – црвена, кафеава

Тен – многу светол, речиси бел

Девојките со најсветол тен воопшто не треба да се плашат да експериментираат со посилни бои на кармин. Светло розовата и ладните нијанси на црвена се совршени за да ја истакнете вашата убавина. Исто така, одличен избор се темните нијанси на бордо.

М. С. | Црнобело