Како да се ослободите од темните кругови под пазувите?

Темните предели на пазувите можат да бидат срамна појава, па некои и во лето ги кријат под облеката.

Причини за потемнувањето на кожата во овој предел, а и пределите на препоните, колената и лактите може да бидат претераното користење на дезодоранси, тесна и непријатна облека и мртвите клетки на кожата, за кои е неопходен редовен пилинг.

Еве неколку лесни начини како да се ослободите од нив на природен начин.

1. Исечете парче лимон и втријте го под пазувите. Оставете течноста да отстои 5 минути, па потоа измијте се. Повторувајте ја постапката 15 дена и ќе забележите дека разликата ќе биде огромна.

2. Слично како лимонот, така и парче свеж компир може да ви помогне со овој проблем. Истријте го парчето компир под пазувите и оставете да делува 20-25 минути. Повторувајте ја постапката секојдневно, додека темните дамки не исчезнат.

3. Помешајте една кафена лажица сок од лимон и една кафена лажица сода за готвење. Втријте на местото и оставете да делува 5 минути. Повторувајте ја постапката 3 пати неделно.

4. Сличен ефект ќе добиете и доколку на сунѓерче потопите млеко кое ќе го нанесете под пазувите и ќе го оставите да отстои 15 минути. Оваа постапка се повторува секојдневно до 3 недели.

И. И. | Црнобело