Домашен рецепт за долги и цврсти нокти

Наместо скапи третмани и маникир, направете си домашен рецепт за ноктите, кој првенствено ќе го забрза нивниот раст, а истовремено ќе им пружи и дополнителна нега, заштита и убав изглед.

Како да го примените овој магичен рецепт? Многу брзо и едноставно.

Во продолжение, дознајте кои ви се потребните состојки, начинот на подготовка и во што е тајната на неговата делотворност.

Потребни состојки:

- ¼ шолја свежо исцеден сок од портокал:
- 1 чешне лук, исецканo на ситни парчиња;
- ¼ шолја маслиново масло.

Начин на подготовка:

Измешајте ги сокот од портокал и лукот во чинија. Потоа, натопете ги ноктите во растворот и држете ги така околу 15 минути.  На крајот, измијте ги рацете и одново потопете ги, овојпат во маслиновото масло, со времетраење од 15 минути.

Повторувајте го третманот два до три пати неделно, а за две недели ќе забележите голема разлика. Вашите нокти ќе бидат значително поцврсти и ќе почнат многу побрзо да растат.

Зошто третманот е толку делотворен?

Свежо исцедениот сок од портокал е богат со витамини и оксиданси кои го подобруваат растот на ноктите. Поради киселоста пружа и одличен пилинг кој ги отстранува мртвите клетки од плочката на ноктот, а ја омекнува и кутикулата.

Лукот е богат со селен. Недостатокот на селен во телото најчесто се пројавува преку ноктите, кои се тенки и слаби. Покрај тоа, лукот има антибактериски и антигливични својства што е одлично за зајакнување и раст на ноктите.

Маслиновото масло е одлично за хидратација на ноктите, бидејќи продира длабоко во кожата. Ја омекнува кутикулата и зајакнува ноктите, што го спречува нивното кршење.

М. А. | Црнобело