4 правила со кои темната шминка нема да изгледа страшно

Темните зачадени очи се еден вечно модерен тренд и изглед кој очигледно ќе потрае. Жените одбираат да ги затемнат очите обично за вечерните излегувања и за свечените настани.

Но, неретко се случува откако ќе се погледнат во огледалото, да сфатат дека изгледаат страшно.

Ако ги следите следниве 4 правила, тоа никогаш повеќе нема да се повтори:

1. Боја на сенка според боја на очи

Ако имате зелени или сиви очи, бирајте црна боја и темни нијанси на кафеава. Зелените очи изгледаат одлично со темно кафеава сенка, но исто така може да експериментирате и со темно сина и виолетова боја. На кафеави очи стојат темно кафеави тонови и секако, црна.

2. Големина на очи

Темните нијанси им даваат длабочина наочите, но визуелно ги смалуваат. Па, ако имате ситни очи, најдобро е темната сенка да ја мешате со беж нијанси или некои посветли пастелни сенки.

3. Карминот е клучен

Без оглед на тоа дали се шминкате за дневна или ноќна пригода, не ставајте темен кармин, колку и да мислите дека идеално ги дополнува зачадените очи. Користете светли кармини. За да го омекнете и ублажите изгледот, секогаш може да комбинирате беж кармин, златести нијанси или нијанса на шампањ.

4. Боја на кожа

Ако имате бела, светла кожа, внимателно со темните бои. За да избегнете страшен изглед, комбинирајте светли и темни сенки, не нанесувајте само црни нијанси во големи количини. Ако имате нешто потемен тен, темните чоколадни нијанси ќе создадат одличен контраст. Секако, не заборавајте да ги осветлите внатрешните агли на очите и делот под веѓите.

М. Д. | Црнобело