Трикови со кои деколтеата на славните изгледаат неодоливо

Кога ќе ги погледнете ризичните деколтеа на славните на црвениот тепих, не можете а да не се запрашате како им успева?

Очигледно, користат трикови кои низ годините сами ги откриле и научиле или пак стилистите им ги дошепнале.

Ова се само дел од оние кои загарантирано го прават деколтето бујно и неодоливо:

Самолепливата лента на Ким Кардашијан

Ким Кардашијан призна дека ниту еден градник не го држи деколтето на место како самолепливата трака. Звучи и е болно, но ако нанесете малку масло или лосион за отстранување, работите ќе бидат полесни.

Двострана леплива лента

Фустаните од материјали кои се лизгаат, а имаат длабоко деколте, едноставно се фиксираат со евтина, двострана леплива трака. Овој трик го користат ѕвездите како Бијонсе, Џеј Ло и Лејди Гага.

Контурирање

Никогаш не ја потценувајте моќта на контурирањето, па дури и на градите. Бронзерот во комбинација со малку посветла пудра може да направи чуда.

Силиконски леплив градник

Голем дел од ѕвездите ќе се согласат - силиконскиот градник е незаменлив. Покрај тоа што им додава волумен, ги држи на свое место, ги спречува незгодите и е речиси невидлив.

И најважното - самодоверба

Без оглед на големината на градите, ако решите да ги откриете - ќе мора тоа да го направите со голема самодоверба.

М. Д. | Црнобело