6 места на кои не ви текнало да ставите дезодоранс, а треба

Повеќето дезодорансот го користат за една намена, без да размислат дали и други секојдневни проблеми може да се решат со него.

6 места на кои од денес треба да нанесувате дезодоранс, секако, ако имате потреба:

1. Под градите

Жените со бујно деколте ја знаат маката, посебно кога е топло. Затоа, еве еден трик како да го спречите потењето под градите - едноставно нанесете дезодоранс, стик или ролон.

2. На косата

Доколку коренот ви е масен, а немате време за миење на косата во моментот, импровизирајте - нанесете мала количина на стик-антиперспирант. Тој ќе ги впие вишокот маснотии.

3. На стапалата

Одличен начин како да се справите со непријатните мириси и потењето во чевлите. Нанесете антиперспирант во било која форма на внатрешноста од стапалото, па потоа облечете чевли.

4. На колковите и нозете

Доколку сакате да носите тесни фармерки кои тешко се облекуваат, намачкајте или напрскајте ги колковите и нозете. Ќе видите дека процесот на облекување ќе биде полесен.

5. На каснатините од инсекти

Повеќето антиперспиранти содржат соли на алуминиум кои ја намалуваат чешавицата инстантно. Затоа, само напрскајте малку дезодоранс на каснатините кои чешаат.

6. На местата каде новите чевли ве притискаат

Без оглед дали тоа е малото прсте или делот над петата, само нанесете тенок слој антиперспирант пред да ги облечете новите чевли. Така ќе го спречите триењето и дополнителното иритирање на местото.

М. Д. | Црнобело