Слатка опсесија на блогерките: Сладолед што се „топи“ на лицето

Новиот летен хит за убавина на социјалните мрежи е „сладоледната шминка“, а ѕвездите на Инстаграм веќе се опседнати од слаткиот тренд.

Имагинативните блогерки за убавина везден црпат инспирација, од буквално сè и сешто, а актуелниот жежок бран кој моментално им е на ум, пристигнува од омиленото ледено задоволство за многумина – сладоледот.

Несекојдневните козметички креации со кои популарните трендсетерки се опседнати оваа сезона, подразбира цртање на сладолед што се топи на нивните лица, а посебно се истакнува на веѓите или вратот. Дел од нив дури одат и чекор понатаму, па шминката ја комплетираат и со корнет во косата, за што поавтентичен изглед.

Новиот летен тренд е хит на на социјалните мрежи, а популарните „ѕвезди“ на Инстаграм се трудат да бидат што пооригинални и поинтересни во изведбата, вклучувајќи се во предизвикот да пресоздадат сладолед на нивното лице, а користејќи се со различни бои и текстури при шминкањето.

Иако не сме сигурни дали има некоја дама што би го поминала летото на плажа со дебел слој светла и колоритна шминка на лицето, можеби токму во овој стил ќе пронајдете идеја за следниот маскенбал на кој ќе присуствувате.

Би се нашминкале ли вака?

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. А. | Црнобело