Топ 5 женски и машки парфеми од 2017 година

„Жената која не користи парфем, нема иднина“, изјавила славната Коко Шанел, а сите кои уживаме во убавите мирисни ноти веројатно имаме по неколку фаворити кога се работи за скапата течност во убави шишенца.

Оваа година донесе многу нови парфеми, како за мажите така и за жените. Кој е вашиот фаворит?

Погледнете ја селекцијата на петте најдобри женски и машки парфеми лансирани во 2017 година:

Женски парфеми

Gucci – Bloom

Најновиот парфем на Гучи доби бонус поени за најшик пакување. Минималистичкото нежно розово шишенце е фино спакувано во кутија со цветен винтиџ дезен, а самото пакување како и името го оправдуваат парфемот – нежно облаче од бели цветови.

Prada – La Femme Intense

Прилично богат цветен парфем кој се развива уште повеќе по првото нанесување. Иланг-иланг нотите се збогатени со цвет од портокал, екстракт од коренот на индиска трева и малку пачули. Одличен парфем за есенско-зимските ноќи.

Tom Ford – Fucking Fabulous

Уште еден парфем кој целосно си го оправдува името. Мирисот чиј акцент главно е ставен на суптилна дрвенеста мешавина е прилично ароматичен со блага пудреста нота која содржи сладок бадем.

Burberry – My Burberry Blush

Мириса толку добро, што ви доаѓа да го изедете, или подобро кажано испиете. Зеленото јаболкото, лимонот, розата и калинката му даваат неодолива свежина, а помешани со цветните ноти на јасминот го прават овој парфем нежен и силен истовремено.

DKNY – Nectar Love

Најновиот парфем на Дона Каран е неверојатно сладок. Содржи овошно-цитрусни ноти помешани со цветови и арома на мед, односно пчелин восок. Сите кои обожаваат слаткасти ароми ќе се вљубат во мирисот кој навистина потсетува на нектар.

Машки парфеми

Davidoff - Cool Water Wave

По скоро 30 изминати години ќе си помислите дека Давидоф веќе немаат идеја како да го редизајнираат нивниот заштитен парфем, но тој е повторно во центарот на вниманието со својот ароматичен мирис, помешан со топли зачини и препознатливата „водна“ нишка.

Givenchy - Gentleman

Најновиот машки парфем на Живанши е опишан како мешавина на моќ и слаткост. Нотата во самата срцевина на парфемот е круша и кардамом, а базата продолжува со пачули и црна ванила кои му додаваат дополнителна мистериозност при откривањето на слоевите.

Paco Rabanne - Pure XS

Еден од најдобро продаваните парфеми во Велика Британија на сите времиња, Пако Рабан повторно создаде магија, која ги следи чекорите на претходниците Invictus и 1 Million.

Најновиот Pure XS е за смели мажи кои сакаат да ризикуваат, бидејќи содржи ѓумбир и темјан, со примеси на ликер и кедрово дрво.

David Beckham - Respect

Парфемот содржи традиционални ноти на мошус, зајакнати со свеж грејпфрут, лубеница и розов бибер како горни ноти.

Ова е уште едно пријатно изненадување од страна на Дејвид Бекам, чии парфеми воопшто не се занемарувачки.

Calvin Klein - Obsessed

Дизајниран како ехо на оригиналниот Obsession креиран во 1993 година, најновиот машки ароматичен убавец на Келвин Клајн „влече“ на темна ванила, во комбинација со кедар и килибар.

(О)Милена | Црнобело