Маникир кој веќе долго време не е во мода и треба да го заборавите

Постои фраза која вели „Колку е поедноставна девојката, толку е покомплексен дизајнот на нејзините нокти“.

Па, ако не сакате да биде оваа фраза асоцијација за вас, погледнете кои се грешките кои не треба да ги правите.

Можеби звучи чудно, но постојат трендови и за маникирот кои со тек на време избледуваат и треба да ги заборавите.

Погледнете неколку работи поврзани со маникирот кои не треба да ги повторите и како да ги замените:

Предолги нокти

До пред некоја година сите беа луди по ноктите со огромна должина, независно дали беа природни, вештачки, акрилни или гелни.

Но, оваа ноќна мора, за среќа остана во минатото и сега изгледа само како застарен невкусен тренд кој не треба да го практикувате.

Ако сепак сакате долги нокти, одберете форма на бадем или нежно заоблено-коцкести, со пристојна должина.

Избор на боја

Светло зелена и сите други неонски, флуоресцентни бои на лак или гел исто така останаа во минатото.

Можеби во иднина повторно ќе бидат во мода, но засега, пастелните нијанси како бебешко розова или небесно сина се одлична замена.

Исто така, црната, црвена боја на вино или темно сини тонови може да изгледаат одлично на вас.

Натрупани дезени

Комплексни цртежи, повеќе различни бои, евтини налепници, циркони и сите други „модни додатоци“ заборавете ги на подолг период.

Наместо тоа, одберете класични, едноставни и еднобојни нокти со впечатливи нијанси.

На светлите бои можете да додадете нежни геометриски шари или нежни светки, но не на секој нокт и секако да бидат складни боите.

М. М. | Црнобело