7 едноставни совети со помош на кои ќе постигнете ефект на визуелно поголеми очи

За оние кои имаат мали очи, шминкањето може да биде вистински предизвик најпрво поради малата површина за работа, а потоа и затоа што и најмала грешка може уште толку да ги направи мали.

Доколку немате време да ризикувате и да експериментирате со своите шминки најдобро е да ги следите советите на славните мејк-ап артисти. Нивните туторијали можете да ги најдете буквално насекаде на социјалните мрежи, но и директно на Јутјуб.

Во меѓувреме погледнете 7 практични совети за шминкање кои ќе ви помогнат визуелно да ги зголемите вашите очи:

Одржувајте го правилниот облик на веѓите - обликуваните веѓи придонесуваат окото да биде повпечатливо дури и без примена на шминка. Важно е секогаш веѓите да се расчешлани и доколку има потреба пополнети со моливче или сенка за веѓи.

Изедначете го тенот околу очите - употребете коректор за да постигнете изедначена боја на кожата околу очите. За ориентација, треба нијансата на коректорот да е барем за нијанса посветла од пудрата.

Изберете сенка за вас - нежните бои како што се розова, беж или праска можат да манипулираат со светлината и заедно со малку маскара, вашите очи ќе изгледаат доста покрупно. За вечерен изглед измешајте потемни нијанси на аглите на очите.

Убаво мешајте ги сенките - важно е да не се забележува граница меѓу различните бои, односно правилно да бидат измешани (или со мејкап терминологија, изблендани). Со четкичка „стопете“ ги сите видливи граници на сенките.

Светло моливче за очи - имајте при рака бело или друго светло моливче за очи, за да нанесете на линијата на долниот капак. За визуелно поголеми очи, не нанесувајте маскара на долните трепки.

Нанесете по неколку слоја маскара - така вашите трепки ќе ја добијат потребната густина. Дополнителен ефект на зголемување можете да добиете и со алатката за прекршување на трепки.

Користете туш за очи или моливче со интензивна боја - густите трепки придонесуваат очите да изгледаат поголеми. Доколку немате густи трепки, употребете ајлајнер или моливче за да повлечете тенка линија на горниот капак и потоа нанесете црна маскара на трепките. Вака визуелно ги згуснувате трепките.

С. У. | Црнобело