Ни ѕвездите не се совршени: Славни убавици кои се борат со акни и мозолчиња

Луѓето со проблематична кожа, мошне добро знаат колку акните и мозолчињата влијаат на самодовербата. А, не се од помош ниту глетките на славните убавици со совршен тен, чии фотки секојдневно ги полнат страниците на медиумите.

Сепак, честопати забораваме дека таквото „совршенство“ е лажно, а ѕвездите всушност имаат цела армија од визажисти. Тие се трудат секоја „мана“ на нивното лице да биде сокриена од очите на јавноста.

Ова може да го потврди и глумицата Аналин Мекорд (30), која со години се бори против акните. Повеќепати беше снимена без грам шминка на лицето, по што наиде на мноштво навредливи и неумесни коментари на социјалните мрежи.

Меѓутоа, младата ѕвезда на серијата „90210“, не им остана должна за одговор на критичарите. Почна да објавува селфи фотoграфии каде јасно се гледаат нејзините акни, порачувајќи им на сите кои се наоѓаат во слична ситуација – дека нема од што да се срамат. Во едно поново интервју, Аналин изјави:

„Луѓето забораваат дека акните претставуваат болест во возрасното доба. Не е во ред некому да се подбивате поради ова. Не сакам било кој да мисли дека е помалку вреден затоа што го има истиот проблем. Заборавете на совршенството. Не сме совршени. Не сме без мани. Имаме луѓе со чија помош изгледаме совршено, а пред сѐ благодарение на Фотошоп. Ама, тоа не е реалноста.“

Проблеми со кожата на лицето има и американската пејачка Мајли Сајрус (25). И таа излезе со совет за сите кои се на исти маки како неа:

„Лошиот тен отсекогаш бил мојата несигурност. Постојано си мислам дека тоа е единствената работа што луѓето ја забележуваат на мене. Тогаш губите контрола, ги користите сите производи кои ќе ви се најдат при рака и на крајот уште повеќе го уништувате лицето. Пуштете ги професионалците да си го одработат своето. И не го чепкајте лицето, создавајќи си лузни.“

Кои се останатите славни убавици што со години се борат со акните и мозолчињата? Погледнете од листата во продолжение:

Кендал Џенер

Аналин Мекорд

Бела Торп

Мајли Сајрус

Кајли Џенер

Ријана

Eва Лонгорија

Лорд

М. A. | Црнобело