Правила кои треба да ги следите за да изгледате добро и на високи температури

Кога температурите почнуваат да одат нагоре, станува многу потешко да го одржите совршениот изглед.

Дамки од пот на маицата или кошулата, залепена коса на лицето и вратот, размачкана шминка и масен сјај на лицето се дел од проблемите со кои се соочува секоја жена.

Сепак, тоа не значи дека треба да се откажете и да дозволите да изгледате несредено кога ќе излезете.

Важно е да следите некои основни правила и трикови со кои ќе изгледате добро и на високи температури:

Како да избегнете дамки од пот?

• Одберете облека во потемна боја – тоа ќе ви помогне да ги маскирате дамките, додека на светлите бои, мокрите дамки се многу повпечатливи.
  
  
• Носете маици без ракави или со широки отвори под пазувите.
  
  
• Не нанесувајте дезодоранс пред излегување од дома за производот да има време да се апсорбира и да не остави дамки на облеката.
  
  
• На топло време избегнувајте кога сте излезени да јадете големи оброци, да пиете топли пијалаци, кофеински или алкохолни, бидејќи тие го зголемуваат потењето.
  
  
• За посебни прилики може да користите специјални влошки кои ја апсорбираат влагата и помагаат да не се направи дамка од пот на облеката.

Како да се ослободите од масниот сјај на лицето?

• Користете гелови и средства за чистење лице со салицилна и гликолна киселина, кои помагаат за нежно чистење на кожата и спречуваат затнување на порите.
  
  
• Заменете ги кремите со масла за лесни навлажнувачки гелови и серуми на база на вода – ќе ви ја навлажнат кожата и омекнат, без да ги затнат порите.
  
  
• Мијте го лицето со млака или најдобро со ладна вода, бидејќи топлата вода ја стимулира работата на лојните жлезди.
  
  
• Еднаш до двапати неделно практикувајте нежен пилинг за чистење на лицето.

Како шминката да биде поотпорна?

• Заменете ја вообичаената козметика со полесни алтернативи. На пример, наместо пудра на база на масла, користете BB или СС креми, базирани на минерали и течности. Моливите за очи заменете ги со течен водоотпорен туш, сувите сенки со сенки на база на крем и руменилото со бронзер.
  
  
• По чистење на лицето со средство, поминете по кожата со коцка мраз – тоа ќе ги намали порите и ќе направи кожата да биде посвежа, а шминката која ќе ја нанесете – поотпорна.
  
  
• Избегнувајте шминка која бара јасни линии, како што е мат карминот во силна боја. Наместо тоа, ставете малку обичен кармин на средината на усните и размачкајте низ цела уста, но на краевите да има помалку.

Како да се ослободите од иритацијата по депилација?

• Најдобар период за депилација е на средина на менструалниот циклус, бидејќи во „оние денови“ чувствителноста на кожата е поголема.
  
  
• Направете си природен пилинг на нозете 1-2 дена пред депилација, за да ја исчистите кожата од мртви клетки, но внимавајте да не го правите тоа веднаш пред депилација.
  
  
• Кратко пред депилација, истуширајте се за да ја исчистите кожата и да ги омекнете влакната, но потоа не користете креми бидејќи тоа го отежнува процесот на вадење влакна.
  
  
• По депилацијата, во текот на истиот ден, не е препорачливо да користите козметички производи кои содржат парфеми или алкохол, вклучувајќи и дезодоранс.
  
  
• Веднаш по депилација избегнувајте изложување на сонце, солариум или сауна.
  
  
• Добро антивоспалително средство е зелениот чај или чајот од камилица, па може да си ставите облоги на мека крпа потопена во чај на вцрвенетите делови.

Како да ја заштитите косата од прекумерно сушење?

• Не ја мијте косата претерано често, бидејќи тоа ја стимулира работата на лојните жлезди. Со тоа косата ќе се масти и ќе станува нечиста многу побрзо отколку претходно.
  
  
• Пред бањање во море, навлажнете ја косата со свежа вода. Така косата ќе апсорбира помалку солена вода, која инаку ја суши и ја прави покршлива.
  
  
• За време на одморот или прошетките на сонце, користете специјални производи за коса со UV заштита, бидејќи на косата ѝ е потребна заштита од сонце исто како на кожата.

М. М. | Црнобело