Усни во боја на чоколадо – зимски хит по вкус на трендсетерките (фото)

Ако уште не сте одлучиле каков кармин да си одберете за почетокот на новата година, тогаш ова е вистинскиот избор за вас.

Зимата ќе биде во знакот на чоколадните усни, така што карминот во ваквите тонови мора да се најде во вашата чантичка за козметика.

Шминкерите тврдат дека чоколадните нијанси се погодни за апсолутно сите жени. Важно е само да откриете која вам највеќе ви прилега.

Не станува збор за една боја, туку за цел спектар од тонови, па може да биде со мешавина на кафе, капучино, или, пак, карамела. Не плашете се да експериментирате.

Вреди да се напомене и дека чоколадните нијанси убаво се комбинираат со секаква облека, а ќе бидат прикладни како во текот на денот, така и навечер.

За да создадете совршен изглед со усни во боја на чоколадо, неопходно е тенот да ви е изедначен. Најдобро е да нанесете неутрални сенки на очните капаци, а не заборавајте и на малата количина хајлајтер.

Потрудете се и на трепките да им дадете посебен нагласок. Што се однесува до веѓите, пак, полн погодок ќе постигнете со природниот ефект.

Од галеријата во продолжение, ѕирнете како трендсетерките го носат хитот на зимата, инспирирајќи се и самите да го прошетате на градските улици или ноќните забави:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. А. | Црнобело