Трик за користење на коректор од Рози Хантингтон-Вајтли

Иако сме 100% уверени дека славните користат скапа и тешка шминка, вистината е дека голем дел од нив се многу практични и штедливи во однос на тоа.

Моделот Рози Хантингтон Вајтли неодамна откри која е нејзината најголема тајна во врска со шминката и изгледот. Имено, таа наместо да користи повеќе слоеви шминка, врз подлогата наместо пудра, нанесува коректор.

Во неофицијални пригоди шминката ја сведува на минимум, но речиси никој не очекуваше дека тајната на нејзиниот изглед е токму во коректорот.

Таа советува да користите лесен и кремаст коректор, без разлика дали ќе се одлучите за стик или за течен. Можеби ќе треба да измешате една до две нијанси за да ја добиете бојата која ви одговара. Според Рози, истиот трик го користат и многу нејзини колешки, за да избегнат мачкање со пудра.

Таа советува да нанесете нијанса која одговара на тенот на образите, вилицата и челото и да размачкате со сунѓерче за шминкање. Потоа, нанесете светол коректор под очите, за да ја осветлите кожата.

На крај, можете да ја додефинирате шминката со бронзер. На овој начин добивате лесна, а ефективна шминка, која може да биде и доста поекономична од класичниот начин на шминкање.

Е. Д. | Црнобело