Кој дел од телото е забранета зона за вашата луфа?

Кога дерматолозите ќе ве посоветуваат, без разлика дали се работи за производи што треба да ги употребувате, начинот на кој треба да се справите со мозолчињата, или што не треба да и правите на кожата, најдобро за вас е да се претворите во уво и внимателно да слушате.

И ако ги прашате „Што е тоа што никогаш, ама баш никогаш не треба да и го правам на мојата кожа?“, сите ќе се согласат со едно - никогаш не користете ја луфата за капење на вашето лице.

Причината е едноставна - тоа е абразивно, физичко чистење, и постои можност да ве иритира или да ви направи лузна, особено ако сте склони на појава на мозолчиња.

Дерматолозите воопшто ќе ве посоветуваат да не користите физички сурови ексфолијанти на вашето лице, и многумина се согласуваат дека хемиските ексфолијанти како гликолна киселина се подобра опција.

Уште еден (прилично вознемирувачки) факт за луфата е тоа дека таа е жариште за бактерии, а тоа воопшто не им оди во прилог за да ги пропагираме како средство за чистење на лицето.

Размислете, со неа чистите делови од телото чиј „отпад“ навистина не би сакале да си го пренесете на лицето.

За доброто на вашата кожа, туширајте се колку што е можно пократко (помалку од 15 минути) и со вода не потопла од 30 степени. Овој совет сметајте го за дозвола да го прескокнете туширањето одвреме навреме, сѐ додека се чувствувате свежо и чисто.

А. Ш. | Црнобело