6 трикови за чистење на лажниот тен, ако сте претерале со кремите за самопотемнување

На почетокот од летото, кога сè уште не сте имале можност да излезете на сонце, Кремите, маслата и спрејовите за самопотемнување се брзо решение.

Но, понекогаш вашата кожа не соработува или пак погрешно го нанесувате продуктот, за на крај да добиете нерамномерен тен или чудна портокалова боја.

Кога ќе се случи нешто вакво, нема потреба да паничите. Можете лесно да го решите проблемот, само треба да реагирате брзо.

Масло и малку триење

Најпрво нанесете масло на кожата и оставете го да се впие. Маслото ќе ја омекне кожата, па ќе нема потреба да триете премногу.

Можете да употребите бебешко масло за тело, но дури и маслиново или бадемово, што дополнително ќе ја нахрани вашата кожа. Потоа само истријте го телото со ракавица за триење.

Употребете жилет

Продуктите за самопотемнување најчесто се користат за нозете. Дали сте забележале дека кога се бричите, свежо нанесените продукти се отстрануваат?

Бричењето е како дополнителен пилинг, а во оваа ситуација секој пилинг ви е од помош. Па одколку погрешите со кремата за самопотемнување, нанесете пена за бричење и избричете ги нозете.

Набавете или направете добар пилинг

Немојте никогаш да ја потценувате моќта на пилингот. Набавете ракавица, за да ги заштитите дланките, добар пилинг и започнете. Добро втриете го пилингот на секој дел од телото од каде што сакате да го отстраните лажниот тен.

Ова може да биде грубо за кожата, па бидете внимателни. Можете да направите и домашен, понежен пилинг за кожа.

За лице, измешајте шеќер со кокосово масло. За пилинг за тело, измешајте сол со талог од кафе, и додека се туширате добро истријте го телото.

Сок од лимон

Веројатно веќе знаете дека лимонот и неговиот сок се наоѓаат за речиси секоја катастрофа со телото. Сепак, немојте да нанесувате премногу за да не настане иритација.

Исцедете неколку лимони и внимателно нанесете го сокот на проблематичните места. Оставете го се впие, па избришете ја кожата со погруба крпа. Доколку не сте задоволни, загрејте го сокот од лимон и повторете. Само внимавајте да не ја изгорите кожата.

Купка со масла

Доколку имате време, наполнете ја кадата и направете купка. Во неа ставете го кој било продукт што го сакате, а на крај додајте и малку масло, на пример од бадем.

Овој трик ќе ви помогне пред да направите пилинг, бидејќи маслото во купката длабински ќе ги исчисти порите.

Сауна

Изложеноста на пареа и високата температура можат да ви помогнат да се ослободите од тврдокорниот тен.

Ова можеби не е првиот трик што ќе го пробате, но сигурно ќе го направи отстранувањето полесно.

Спирова С. | Црнобело