Направете си локни со цевки - Трикови за коса кои навистина функционираат

Денес лесно можете да најдете безброј трикови за вашата коса - како да ја измиете косата без шампон, како да направите фризура за неколку минути, како да направите локни без да ја изгорите косата…

Проблемот е што во реалноста, повеќето трикови не се воопшто ефикасни.

Поради тоа, блогерката Маша Маева решила да ги тестира најпопуларните трикови за коса.

Во продолжение погледнете кои се навистина ефикасни:

Направете си локни со пластични цевки

Најпрво нанесете малку пена на целата коса. Потоа навиткајте ја косата со цевки и оставете ги преку ноќ.

Бидејќи ова е виткање без топлина, потребно е повеќе време за да го видите резултатот.

Спиењето со цевки нема да биде најудобно, но барем ќе добиете локни кои ќе траат околу една недела.

Опавче со волумен

Сè што треба да направите е да ја соберете косата во опавче, а потоа прицврстете го со шнола како на фотографијата.

Навистина брз и ефикасен трик.

Шишки без кратење на косата

Соберете ја косата во високо опавче. Извадете прамен од долниот дел на косата и сплетете го во плетенка.

Потоа протнете ја плетенката под опавчето, така што нејзиниот врв ќе бидат „шишките“.

Освежете ја косата со бебешка пудра

Кога немате време за миење на косата, нанесете малку бебешка пудра на рацете и протријте ја низ скалпот.

Пудрата ќе ги впие маснотиите од косата и ќе направи да изгледа почисто.

Потоа, отстранете го вишокот пудра со четка за коса.

Локни со дрвени стапчиња

За ова ќе ви послужат дрвени стапчиња за ражничи.

Навлажнете ја косата и завиткајте ја околу дрвените стапчиња (како на фотографијата).

Откако ќе ја извиткате целата коса, исушете ја со фен и отстранете ги стапчињата.

Продолжува на следната страница...