Сината сенка за очи е повторно во мода – Идеи за шминка во оваа боја

Сината сенка е еден од трендовите што ги обележаа 80-тите, а по сè изгледа ќе стане обележје и на оваа година.

Сепак, понекогаш може да биде тешко да ја комбинирате, па ако ретко експериментирате со изгледот, веројатно ја избегнувате. Но, нема потреба од тоа.

Можеби периодов баш и немате за каде да се нашминкате вака, но може да се „вежбате“ и да ја усовршите сината шминка.

Во продолжението погледнете неколку одлични идеи за како да ја носите сината сенка за очи:

Сини „зачадени очи“

Најпрво, важно е да ја најдете најдобрата нијанса на сина за вас. На светли очи подобро стојат светли нијанси, а ако имате темни очи, одберете потемна сина. Се разбира, можете да го прекршите и ова правило.

Сините зачадени очи најдобро стојат со кармин во боја на кожа.

Во комбинација со туш за очи 

Можете да ја комбинирате сината сенка со сива, а да го дополните изгледот со црн туш за очи.

Овде важи правилото „помалку е повеќе“, па остатокот од шминката сведете го на минимум.

Различни нијанси сина

Летото е одличен период да си играте со нијансите, па слободно комбинирајте светли, темни, светкави и мат нијанси во еден изглед.

Можете да искористите сенка со потемна сина и моливче со посветла сина боја, нанесете малку маскара, ставете светло розово руменило и кармин со иста боја.

Студени нијанси

Можете да одберете и сина сенка со постудена нијанса, која наликува на сребрена.

И сребрените нијанси најдобро изгледаат со кармин во боја на кожа или сјај за усни.

Сина маскара

Одличен спој се и небесно сината сенка и маскарата со иста нијанса. Оваа комбинација е одлична за потемни очи.

Во овој случај најдобро е да ја соберете косата, за да се истакнат вашите очи.

Тегет сенка како туш за очи

Ако сметате дека сината сенка е премногу за вас, можете да ја употребите и како ајлајнер, така што ќе ја нанесете само на работ од очните капаци.

Спирова С. | Црнобело