Како да спречите иритација на лицето од заштитните маски во топлите месеци?

Носењето заштитна маска е дел од новото нормално живеење, а во топлите месеци тоа не е воопшто лесно - како да ја зачувате кожата од иритации?

Носењето заштитна маска постојано, посебно во топлите месеци не е воопшто лесно, како за дишењето, така и за кожата, но мора да се научиме на овие правила за заштита.

Долгото носење маски кај многумина создава иритации на лицето, како и појава на несакани акни, па важно е да обрнете внимание на неколку работи кои ќе ви помогнат периодов.

Важно е да ги чистите и перете маските

Доколку најчесто носите заштитни маски за повеќе употреби, како N95 важно е пред секое носење, добро да ја исчистите и да ја дезинфицирате.

Маската чувајте ја на топло место и не ја ставајте во пластични кеси.

Доколку користите маски кои се перат, ставете ја во машина на температура која одговара на ткаенината или перете ја рачно со добро триење со сапун во топла вода и оставете ја да кисне во врела вода, а потоа сушете ги на сонце.

Доколку користите медицински маски за една употреба - користете ги буквално за една употреба и потоа фрлајте ги.

Најважно е никогаш да не ставате валкана маска на вас и секогаш да биде исчистена, зависно од тоа каква е маската.

Доколку користите маски од ткаенина, бирајте материјали кои се поприродни како памук.

Со различните материјали кои се тријат со кожата, се затвора дел од површината на кожата и тоа води до појава на иритација, црвенило и акни, посебно на топло, па затоа доколку бирате маски од ткаенина, важно е да одберете од поприродни материјали, наместо синтетички.

Во овој период важно е да водите дополнителна нега на кожата на лицето

Покрај тоа, важно е овој период да обрнувате повеќе внимание на кожата на лицето, со оглед на тоа што во поголем дел од денот ви е затворено со маска.

Секое триење на каков било материјал со кожата, може да создаде иритација, а потта, нечистотијата и шминката се таложат под материјалот на маската и дополнително предизвикуваат лоша реакција на лицето.

Совети за нега на лице:

Мијте го лицето по секое вадење на маската и користете хидратантни и специјални антибактериски сапуни или тоник за лице

Избегнувајте тешка шминка за да спречите појава на акни и дополнително потење

Ставајте крема со заштитен фактор на лицето, бидејќи маската не штити од УВ зрачењето

М. М. | Црнобело / фото: depositphotos.com