Многу хајлајтер, дречливи сенки - популарни трендови кои шминкерите ги мразат

Се чини дека секоја недела се појавува некој нов тренд за шминкање, но само затоа што нешто е популарно, не значи дека изгледа добро на секого.

Според професионалните мејкап артисти, неретко, дури и најпопуларните трендови не изгледаат воопшто добро во реалноста.

Дел од нив можеби се одлични за фотографирање, но дефинитивно не изгледаат добро кога ќе ги погледнете во живо.

8-те трендови за шминкање што шминкерите ги мразат:

Шминка за селфи

Во овој случај станува збор за „нападна“ шминка која често ја гледаме на социјалните мрежи. Според експертите, неретко контурирањето е направено со многу темна нијанса и се познава, се ставаат големи вештачки трепки и воглавно целото лице изгледа премногу нашминкано и вештачко.

Претерано исцртување на веѓите

Веѓите можат да го променат целиот ваш изглед, па затоа внимавајте како ќе ги исцртате.

Не треба да додавате премногу темна нијанса на веѓите и тие не треба да изгледаат како да се залепени на вашето лице. Најдобро е да им дадете малку волумен со помош на сенка или моливче, и секогаш обидувајте се да постигнете што е можно поприроден изглед.

Немојте да претерувате со хајлајтерот

Можеби на фотографиите ќе изгледате одлично со многу хајлајтер, но во реалноста вашето лице ќе изгледа мрсно или испотено.

Доволно е да нанесете многу малку хајлајтер на деловите што сакате да ги истакнете.

Не претерувајте со дречливите сенки за очи

Кога нанесувате дречлива сенка за очи, најдобро е да ја комбинирате и со други бои.

Повторно, можеби дречливата сенка изгледа одлично на фотографии, но во реалноста ќе изгледате како да носите шминка за некој маскенбал.

А, кога ќе ја комбинирате сенката и со други нијанси, осигурете се дека добро ќе го исенчате окото.

Продолжува на следната страница...