9 совети за правилно одржување на фарбаната коса

Кога можете, избегнувајте пегла и фен

Постојаното користење на овие направи може дополнително да ја оштети фарбаната коса. Затоа, секојпат кога можете, оставете ја косата да се исуши природно (ова важи за летните месеци). Истото важи и за пеглите и другите апарати за обликување со топлина.

Направете пауза од фарбањето

Откако ќе се офарбате, почекајте барем 6 недели пред повторно да го направите тоа. Во овој период корените нема да ви пораснат многу и нема потреба да ја третирате косата со фарба порано од тоа. Во спротивно, рзикувате многу да ја оштетите косата.

Не ја мијте косата со жешка вода

Миењето со жешка вода ќе ја избледи фарбата и косата нема да изгледа сјајно. Ако сакате подолго да ви трае бојата, мијте ја косата со млака вода. Ако можете, уште подобро е на крај да ја исплакнете со студена.

Користете кератин

Кератинот е вид протеин кој стана најпопуларната состојка во продуктите за коса, особено оние за фарбана. Кератинот ја хидрира косата и го спречува оштетувањето, со тоа правејќи ја посјајна.

Во овој случај најдобро е да се консултирате со фризер, кој ќе ви помогне да го најдете најдобриот продукт за вас.

Редовно потстрижување

Ако ја фарбате косата, ќе треба почест да ги скратувате врвовите. Бидејќи фарбата ја суши и оштетува косата, нејзините врвови ќе пукаат почесто. Најдобро би било да ги кратите врвовите на секои 2 месеци, но сепак консултирајте се со вашиот фризер околу временскиот интервал.

Спирова С. | Црнобело